Jonathan Walters, framherji Burnley missti móður sína þegar að hann var mjög ungur að árum.

Hann var einungis 11 ára þegar að hún dó en hann ákvað að opna sig um atvikið í samtali við Tony Livesey, útvarpsmann hjá BBC.

Walters hefur aldreið tjáð sig um atvikið opinberlega áður og átti mjög erfitt með sig þegar hann byrjaði að ræða fráfallið.

„Faðir minn sagði mér það, vikur áður en hún dó. Hann dró okkur systkinin inn í herbergi og sagði okkur að móðir okkar ætti ekki langt eftir,“ sagði Walters.

„Ég gekk út og grét í sex til sjö klukkustundir. Ég á krakka, sem eru á sama aldri og ég var þarna og ég hef áhyggjur af þeim núna.“

„Ég hef aldrei rætt þetta áður þar sem að fólk spyr mig ekki út í þetta og ég á erfitt með að ræða þetta,“ sagði Walters m.a en viðtalið í heild sinni má sjá hér fyrir neðan.