Chris Hughton, stjóri Brighton hefur verið valinn stjóri mánaðarins í ensku úrvalsdeildinni.
Brighton liðið spilaði afar vel í febrúar og tapaði ekki leik og þá vann liðið Arsenal, 2-1 á dögunum.
Í febrúar spilaði liðið þrjá leiki í ensku úrvalsdeildinni, vann sigra gegn West Ham og Swansea og þá gerði liðið jafntefli við Stoke á útivelli.
Liðið hefur skotist upp töfluna og situr nú í tíunda sæti deildarinnar með 34 stig og er einungis sex stigum frá Burnley sem er í sjöunda sætinu.
