Zlatan Ibrahimovic framherji LA Galaxy segir að góð orð frá David Beckham hafi sannfært sig um að fara til Bandaríkjanna.
Zlatan skrifaði undir hjá LA Galxy fyrir helgi en hann kom frá Manchester United.
Þegar Beckham og Zlatan léku saman í PSG sagði miðjumaðurinn frá Englandi framherjanum knáa hvernig dvölin hjá Galaxy hefði verið.
,,Ég ræddi þetta við Beckham þegar við vorum í PSG og hann talaði mikið um Galaxy og reynslu sína af Bandaríkjunum. Hann var rosalega jákvæður,“ sagði Zlatan.
,,Hann sagði mér að ég ætti að prufa þetta, hann sagði að allt væri frábært. Hann sagði að þetta væri að byggjast upp en að það væri magnað að vera hluti af þessu.“
,,Ég er bara glaður að koma hingað og góð orð frá Beckham hjálpuðu mér að taka ákvörðun.“
