Frakkland tekur á móti Kólumbíu í vináttuleik á morgun en leikurinn hefst klukkan 20:00 að íslenskum tíma.

Franskir fjölmiðlar fullyrða það í kvöld að Paul Pogba, miðjumaður Manchester United muni byrja á bekknum í leiknum.

Pogba hefur ekki átt fast sæti í liði Manchester United að undanförnu og hefur ekki verið í byrjunarliðinu í síðustu tveimur leikjum liðsins.

Samkvæmt miðlum í Frakklandi ætlar Didier Deschamps að spila 4-4-2 á morgun gegn Kólumbíu með þá N’Golo Kante og Blaise Matuidi á miðsvæðinu.

Þá munu þeir Thomas Lemar og Kylian Mbappe spila á köntunum og Olivier Giroud og Antoine Griezmann munu spila í fremstu víglínu.