Samkvæmt enskum götublöðum verða miklar breytingar hjá Manchester United í sumar.
Það er að segja ef Jose Mourinho verður áfram stjóri liðsins og fær að ráða hlutunum.
Mourinho er sagður vilja losna við átta leikmenn en hann þarf að lækka launakostnað félagsins til að fá inn menn.
Marouane Fellaini verður samningslaus og Michael Carrick hættir. Zlatan Ibrahimovic verður samningslaus og fer líklega. Þá mun Mourinho selja nokkra leikmenn.
Daily Express segir að Mourinho vilji losa sig við átta leikmenn og fá inn fjóra.
Blaðið segir að Mourinho vilji tvo miðjumenn og tvo miðverði. Blaðið segir Mourinho vilja kaupa Marco Verratti, Toni Kroos, Toby Alderweireld og Samuel Umtiti.
