Liverpool íhugar nú að leggja fram tilboð í Ramadan Sobhi, sóknarmann Stoke en það er TEAMtalk sem greinir frá þessu í kvöld.
Stoke vill fá 15 milljónir punda fyrir leikmanninn og það er upphæð sem Liverpool er sagt tilbúið að borga.
Sohbi er Egypti, líkt og Mohamed Salah og samkvæmt TEAMtalk á Salah að hafa bent forráðamönnum félagsins á samlanda sinn.
Liverpool sér Sohbi sem góðan aukaleikara fyrir sóknarmenn liðsins og þá myndu þeir einnig halda Salah ánægðum á Anfield með kaupunum en hann hefur verið orðaður við Barcelona og Real Madrid.
Á meðan Salah hefur verið magnaður fyrir Liverpool á þessari leiktíð hefur Sohbi ekki gert mikið hjá Stoke en hann hefur skorað 2 mörk fyrir félagið á þessari leiktíð í 19 leikjum.
