Samkvæmt L’Equipe í Frakklandi hefur Liverpool áhuga á að kaupa miðjumann Southampton í sumar.
UM er að ræða Mario Lemina sem er 24 ára gamall en hann kom frá Juventus síðasta sumar.
Lemina kostaði Southampton 17 milljónir evra en þegar hann hefur verið heill heilsu í ár hefur hann spilað vel.
Liverpool hefur elskað að versla leikmenn frá Southampton síðustu ár en Adam Lallana, Dejan Lovren, Rickie Lambert, Sadio Mane, Nathaniel Clyne og Virgil van Dijk hafa allir komið frá Southampton.
Ef fréttir dagsins eru réttar er Lemina næstur í röðinni en Liverpool mun versla sér miðjumann í sumar.
