Roberto Firmino sóknarmaður Liverpool þarf ekki að taka út eina né neina refsingu eftir ásakanir Mason Holgate varnarmanns Everton.

Eftir leik liðanna á dögunum sakaði Holgate þennan öfluga sóknarmann um kynþáttaníð.

Enska knattspyrnusambandið skoðaði málið og var farið vel ofan í allt.

Ekki reyndist vera hægt að sanna að Firmino hafi verið með kynþáttaníð í garð Holgate.

Yfirlýsing Firmino:
Það hefur verið erfitt að segja ekkert, vegna þess hversu alvarlegar ásakanir þetta voru um hvað ég átti að hafa sagt í leiknum. Ég hélt mig til hlés og leyfði þeim að rannsaka málið alla leið.

Það er mikilvægt fyrir fótboltann að tækla kynþáttaníð á allan hátt og taka það alvarlega, ég hef orðið fyrir kynþáttaníði í mínu lífi. Ég veit hversu mikið það getur sært.

Núna þegar málinu er lokið vil ég koma þvi á framfæri að ég sagði aldrei oðið, ekki neina útgáfu af því. Ég notaði ekkert orð sem kemur að kynþætti, ég gerði það ekki og mun aldrei gera.

Knattspyrnuvöllur er ekki staður fyrir niðrandi orð líkt og á öðrum stöðum í lífinu. Ég er ánægður að rannsókn er á enda og málinu sé lokið.