Í gær var greint frá því að Arsene Wenger, fyrrum stjóri Arsenal, væri að snúa aftur í boltann.
Wenger hefur verið atvinnulaus frá því í sumar er hann var látinn fara frá Arsenal eftir 22 ár hjá félaginu.
France Football fullyrti það í gær að Wenger væri að taka við hjá AC Milan á Ítalíu. Það er hins vegar ekki rétt.
Wenger staðfesti það sjálfur í kvöld að hann væri ekki að taka við á San Siro.
,,Þetta kom mér líka á óvart. Það eina sem ég get sagt er ‘fake news!‘ sagði Wenger við beIN Sports.
,,Ef ég hefði skrifað undir einhvers staðar myndi ég segja ykkur frá þessu. Þetta er ekki rétt.“
