Darren Fletcher fyrrum miðjumaður Manchester United var gestur í MNF á Sky Sports í gær.
Fletcher lék leng vel með Manchester United en í dag er hann í herbúðum Stoke City.
Fletcher var spurður út í Paul Pogba miðjumann United en Fletcher þjálfaði hann um stund árið 2012.
Fletcher glímdi þá við veikindi og gat því ekki verið að spila, þess vegna hjálpaði hann til í varaliðinu.
,,Ég var veikur og var að þjálfa varaliðið þar sem Pogba, Lingard og Ravel Morrison voru. Við spiluðum Pogba framarlega á vellinum,“ sagði Fletcher.
,,Við töldum að hann gæti unnið fyrir okkur leiki en hann var agalaus, gat ekki spilað á miðsvæðinu.“
,,Þetta sannaðist þegar Ferguson valdi Park Ji-Sung og Phil Jones á mðsvæðið gegn Blackburn en Pogba var á bekknum.“
,,Við töldum hann ekki hafa aga á miðsvæðið í varaliðinu, hvað þá fyrir aðalliðið,“ sagði Fletcher en þetta er enn stórt vandamál í leik Pogba.
