Erik Lamela, leikmaður Tottenham, segir að aðeins einn leikmaður komi til greina sem besti leikmaður heims.

Lamela hikar ekki við að segja að Lionel Messi sé langbestur í heiminum en þeir eru samherjar hjá argentínska landsliðinu.

,,Leo er augljóslega mjög mikilvægur leikmaður fyrir okkur, vegna þess sem hann getur gefið liðinu sem leikmaður og liðsfélagi,“ sagði Lamela.

,,Ég sá það þegar ég æfði með honum að hann væri langbesti leikmaður sem ég hef séð síðan ég byrjaði að spila fótbolta.“

,,Leik eftir leik getur fólk séð hvað hann gerir og hversu auðvelt það er fyrir hann að skora eða leggja upp. Við munum aldrei sjá leikmann eins og hann aftur.“