Cristiano Ronaldo, leikmaður Juventus, fékk beint rautt spjald í 2-0 sigri liðsins á Valencia í kvöld.
Ronaldo virtist rífa aðeins í hárið á varnarmanninum Jeison Murillo og fékk í kjölfarið rautt í fyrri hálfleik.
Leonardo Bonucci, liðsfélagi Ronaldo, segir að Portúgalinn sé reiður en hann fór að gráta eftir ákvörðun dómarans.
,,Ronaldo er reiður en það var hægt að sjá það fyrir,“ sagði Bonucci eftir sigur liðsins.
,,Að mínu mati var þetta eðlilegt, jafnvel þó að ég hafi verið langt frá atvikinu.“
,,Í svona tilfellum þá verðum við að vera sterkari en allt og allir. Við þurfum að svara sem lið.“
