Jurgen Klopp, stjóri Liverpool á Englandi, var hæstánægður með sína menn í kvöld eftir 3-2 sigur á Paris Saint-Germain.

Boðið var upp á afar fjörugan leik á Anfield en Liverpool vann sigur eftir mark Roberto Firmino í uppbótartíma.

,,Þetta var góður fótboltaleikur og það var mikilvægt fyrir okkur að byrja vel. Þeir eru svo sterkir og góðir með boltann,“ sagði Klopp.

,,Þeir breyttu leikkerfinu aðeins og við bjuggumst við því og hugsuðum ekki of mikið út í það. Þeir settu Neymar vinstra megin sem var ekki slæm hugmynd.“

,,Við gerðum mjög vel og hlupum mikið á vellinum og lokuðum svæðum. Við leyfðum þeim að hlaupa aðeins um.“

,,Við reyndum að nota hægri vænginn mikið, Neymar er heimsklassa leikmaður en hann er ekki varnarmaður.“