Það er allt að gerast í Guðjohnsen fjölskyldunni þessa dagana en í henni eru margir efnilegir knattspyrnumenn.

Eiður Smári Guðjohnsen er af mörgum talinn besti knattspyrnumaður Íslands frá upphafi og á að baki leiki fyrir lið eins og Chelsea og Barcelona.

Sonur Eiðs, Andri Lucas Guðjohnsen, gerði samning við spænska stórliðið Real Madrid á dögunum.

Bróðir Andra, Daníel Tristan Guðjohnsen hefur nú fylgt bróður sínum og hefur einnig skrifað undir á Santiago Bernabeu.

Leikmennirnir tveir eru því komnir í frábæra akademíu þar sem mörg stór nöfn hafa áður spilað.

Þess má geta að eldri bróðir þeira, Sveinn Aron Guðjohnsen, leikur með Spezia á Ítalíu og frændi þeirra, Arnór Borg Guðjohnsen, spilar með Swansea.