Andrea Radrizzani, eigandi Leeds United á Englandi, reyndi að fá mörg stór nöfn til að taka við liðinu í sumar.
Marcelo Bielsa tók óvænt við Leeds eftir síðustu leiktíð en hann hefur stýrt mörgum góðum liðum á ferlinum.
Antonio Conte, fyrrum stjóri Chelsea, Claudio Ranieri, fyrrum stjóri Leicester og Roberto Martinez, landsliðsþjálfari Belga voru einnig á lista liðsins.
,,Conte var með honum á listanum okkar og þá hefðum við bókað tryggt okkur sæti í úrvalsdeildinni,“ sagði Radrizzani.
,,Ég hefði jafnvel boðið honum 20 milljónir evra. Ég ræddi við Ranieri sem var hrifinn af okkar áhuga en hann var að bíða eftir símtali frá liði í efstu deild.“
,,Ég ræddi við Martinez en belgíska landsliðið kom í veg fyrir það. Eftir það þá ræddi ég við yfirmann knattspyrnumála, Victor Orta og hann sagði að Bielsa væri fullkominn.“
