West Ham United á Englandi hefur fest kaup á framherjanum Andriy Yarmolenko.
Þetta staðfesti félagið í dag en Yarmolenko kemur til enska félagsins frá Borussia Dortmund.
Yarmolenko fór til Dortmund á síðasta ári en hann lék fyrir það með Dynamo Kiev í Úkraínu í níu ár.
Yarmolenko er úkraínskur landsliðsmaður en hann á að baki 77 landsleiki og hefur gert í þeim 35 mörk.
West Ham borgar 17,5 milljónir punda fyrir leikmanninn sem náði sér ekki á strik í Þýskalandi.
