West Ham United hefur tryggt sér bakvörðinn Ryan Fredericks en hann kemur til félagsins frá Fulham.
Þetta var staðfest í dag en Fredericks hefur undanfarnar vikur verið í viðræðum við félagið.
Fredericks er 25 ára gamall Englendingur en hann hefur síðustu þrjú ár leikið með Fulham í næst efstu deild.
Fredericks er uppalinn hjá Tottenham en hefur spilað með Brentford, Millwall og Middlesbrough á láni.
Fredericks skrifaði undir fjögurra ára samning við West Ham og er fyrsti leikmaðurinn sem Manuel Pellegrini fær til félagsins.
