Real Madrid tók á móti Juventus í 8-liða úrslitum Meistaradeildarinnar í kvöld en leiknum lauk með 3-1 sigri gestanna.
Mario Mandzukic skoraði tvívegis fyrir gestina ásamt Blaise Matuidi en það var Cristiano Ronaldo sem minnkaði muninn fyrir heimamenn á lokamínútum leiksins með marki úr vítaspyrnu og Real fer því áfram í undanúrslit keppninnar, samanlegt 4-3.
Cristiano Ronaldo, sóknarmaður Real Madrid var að vonum sáttur með að vera kominn áfram í undanúrslit keppninnar.
„Ég skil í raun ekki af hverju þeir voru að mótmæla dómnum en svona er fótboltinn,“ sagði Ronaldo.
„Ef þeir hefðu ekki brotið á Lucas þá hefði hann alltaf skorað þarna. Við erum ánægðir með að vera komnir áfram í undanúrslitin.“
„Ég tók smá tíma í vítaspyrnuna, ég reyndi að hughreysta sjálfan mig og tók strax ákvörðun um hvar ég ætlaði að setja boltann. Eftir að ég skoraði þakkaði ég bara Guði fyrir,“ sagði hann að lokum.
