Patrick Kluivert, fyrrum leikmaður Barcelona og faðir Justin Kluivert hefur hvatt son sinn til þess að hunsa áhuga frá Manchester United.

Kluivert eldri vill sjá son sinn feta í fótspor sín og spila fyrir Barcelona en hann spilaði 182 leiki fyrir félagið á sínum tíma.

Justin er í dag samningsbundinn Ajax í Hollandi en hann þykir eitt mesta efnið í Evrópuboltanum í dag og hefur verið orðaður við mörg af stærstu liðum Evrópu.

„Ég er mjög stoltur af honum, hann er að standa sig mjög vel fyrir Ajax,“ sagði Kluivert.

„Hann hefur unnið sér inn fast sæti í byrjunarliðinu og er að spila reglulega. Ef hann heldur áfram á sömu braut gæti hann orðið ein af stórstjörnum knattspyrnunnar.“

„Ég vil sjá hann fara til Barcelona, það er besta skrefið fyrir hann,“ sagði Kluivert að lokum.