Zlatan Ibrahimovic hefur spilað sinn síðasta leik fyrir Manchester United. Þetta fullyrðir ESPN.
ESPN segir að Zlatan muni á næstu dögum skrifa undir hjá LA Galaxy.
Zlatan hefur ekki spilað með United síðan gegn Burnley þann 26 desember.
Hann sleit krossband á síðasta ári og hefur verið að koma sér til baka.
Zlatan er 36 ára gamall en hann er á sínu öðru ári hjá United. Jose Mourinho er sagður hafa samþykkt að leyfa honum að fara.
Zlatan lék 53 leiki fyrir United og kom að 38 mörkum í þeim leikjum. Hann vann þrjá bikara á sínu eina heila tímabili með félaginu.
Samningur Zlatan átti að renna út í sumar en hann flytur nú til Bandaríkjanna.
