Ian Wright sérfræðingur um ensku úrvalsdeildina og fyrrum framherji Arsenal segir að Mohamed Salah myndi hlusta á tilboð frá Real Madrid.
Magnað tímabil Salah hefur orðið til þess að PSG, Bayern og Real Madrid eru öll sögð vilja kaupa hann frá Liverpool.
Salah hefur sprungið út á Anfield en það hefur reynst félaginu erfitt síðustu ár að halda sínum bestu mönnum.
,,Hver sá sem skorar þennan fjölda af mörkum í ensku úrvalsdeildinni mun vekja áhuga,“ sagði Wright.
,,Það er vandamál sem Liverpool mun hafa ef Salah heldur áfram að skora svona á næstu leiktíð.“
,,Salah ólst ekki upp og dreymdi um að spila fyrir Liverpool, með fullri virðingu. Ef Real Madrid kemur kallandi þá mun hann vilja heyra það.“
