Samvkæmt enskum blöðum verður Jamie Carragher kippt úr þætti kvöldsins á Sky Sports eftir að hafa hrækt á 14 ára stelpu.

Carragher kom til London í morgun til að ræða við yfirmenn Sky og reyna að bjarga starfi sínu.

Yfirmenn hjá Sky funduðu langt fram eftir í gær eftir að myndband af Carragher birtist.

Carragher, fyrrum leikmaður Liverpool og núverandi sparkspekingur hjá Sky Sports var á vellinum á laugardag þar sem Manchester United vann Liverpool og virðist hann hafa verið ósáttur með úrslitin.

Þegar að hann var að keyra heim til sín lenti hann við hliðiná stuðningsmönnum United á hraðbrautinni

Þeir byrjuðu að grínast í honum með úrslitin með þeim afleiðingum að Carragher ákvað að hrækja á þau.

Hrákan endaði á enni barnsins í farþegasætinu. ,,Algjörlega heimskulegt og ég hef beðið alla fjölskylduna afsökunar,“ sagði Carragher.

,,Ég var böggaður 3/4 sinnum á hraðbrautinni og missti stjórn á mér. Ég get samt ekki afsakað þetta.“