Manchester United tók á móti Chelsea í stórleik ensku úrvalsdeildarinnar í dag en leiknum lauk með 2-1 sigri heimamanna.
Willian kom Chelsea yfir en Romelu Lukaku jafnaði metin fyrir Manchester United áður en Jesse Lingard skoraði sigurmark leiksins í síðari hálfleik eftir að hafa komið inná sem varamaður og loktölur því 2-1 fyrir United.
Jose Mourinho, stjóri Manchester United var að vonum afar sáttur með sigur sinna manna í dag.
„Við vorum að vinna frábært lið. Það er ástæða fyrir því að þeir unnu ensku úrvalsdeldina í fyrra, þeir spiluðu frábærlega á móti Barcelona og þeir byrjuðu leikinn mjög vel,“ sagði Mourinho.
„Ég endurtek það sem ég sagði áðan, við vorum að vinna frábært lið. Við þurftum að vera skipulagðir, leikmenn fylgdu leikplaninu og þetta gekk upp hjá okkur í dag.“
„Eftir að við komumst í takt við leikinn náðum við að spila við þá og tókum stjórn á leiknum. Við héldum Hazard niðri og Willian niðri en þeir eru báðir frábærir knattspyrnumenn.“
„Þeir voru hins vegar ekki að skapa mikið þegar leið á leikinn og mér fannst við stjórna þessum leik meira og minna allan tímann,“ sagði stjórinn að lokum.
