Eiður Smári Guðjohnsen var gestur í þættinum Debate á Sky Sports í gær þar sem hann fór yfir sviðið.

Þar var meðal annars rætt um leik Englands og Íslands á EM í Frakklandi árið 2016.

,,Áhrifin höfðu þegar átt sér stað, bara að það að komast á EM og svo komumst við upp úr riðlinum. Að fara Í Englands leikinn var bara bónus fyrir okkur, allr á Íslandi eru stuðningsmenn Englands á stórmótum. Þetta var eina skiptið sem það var ekki vegna þess að við vorum þarna, það var eins og við hefðum slegið út átrúnaðargoð okkar,“ sagði Eiður á Sky Sports.

Hann segir að væntingar hafi verið gerðar til íslenska liðsins að komast á HM í Rússlandi sem gekk svo upp.

,,Það voru væntingar þegar undankeppnin hófst, að gera vel og eiga möguleika á að komast á HM. Við gerðum það og unnum riðilinn okkar sem var mjög erfiður með Króatíu, Úkraínu, Tyrklandi, Finnlandi og Kósóvó. Svo kom drátturinn fyrir lokakeppni HM, væntingarnar urðu minni.“

Ísland er í riðli með Argentínu, Króatíu og Nígeríu á HM í Rússlandi, erfiður riðill að mati Eiðs.

,,Ég verð að trúa á liðið og trúa á við komumst áfram, þetta er líklega erfiðasti riðilinn sem við gátum fengið. Fólk á Íslandi vildi fá Argentínu og Brasilíu, við vildum fá reynslu gegn þeim. Svo kom Króatía og við höfum séð mikið af þeim, við hefðum viljað sleppa við þá. Nígería er svo eitthvað allt annað, hvort þeir henta okkar eða ekki. Það kemur í ljós.“

Um enska landsliðið hafði Eiður þetta að segja.

,,Alltaf miklar væntingar, svo kemur pressan frá fjölmiðlum og þeir ná ekki að standa undir væntingum. Lars Lagerback benti á þetta fyrir Englands leikinn, hann sagði þá ofmetnasta liðið á stórmóti. Væntingarnar eru svo miklar, þeir ná aldrei að lifa undir þeim.