Birkir Bjarnason gæti verið að snúa aftur til Ítalíu en það er Sky Italia sem greinir frá þessu.
Hann hefur ekki átt fast sæti í liði Aston Villa á leiktíðinni og gæti hugsað sér til hreyfings.
Birkir vill vera í góðu standi fyrir HM í Rússlandi, næsta sumar og vill fara í lið þar sem hann fær að spila reglulega.
Aston Villa og Parma hafa rætt saman vegna leikmannsins en ítalska félagið vill fá hann á láni út tímabilið.
Liðið leikur í Serie B deildinni og situr sem stendur í fimmta sæti deildarinnar, 6 stigum frá toppliði Palermo.