Ísland vann öruggan 6-0 sigur á Indónesíu í æfingarleik sem var að ljúka. Leikurinn fór fram við afar erfiðar aðstæður en í síðari hálfleik rigndi eldi og brennisteini.
Um er að ræða stærsta sigur Íslands í 33 ár eða frá árinu 1985. Vísir.is sagði fyrst frá.
Ísland vann Færeyjar 9-0 árið 1985 á heimavelli. Þetta er stærsti sigur Íslands í sögunni á útivelli, liðið vann Færeyjar 6-1 árið 1976.
Ísland leiddi 2-0 þegar hlé var gert á leiknum í síðari hálfleik vegna þess að þrumur heyrðust í nágrenninu.
Andri Rúnar Bjarnason, Kristján Flóki Finnbogason, Óttar Magnús Karlsso, Tryggvi Hrafn Haraldsson, Hjörtur Hermansson og Hólmar Örn Eyjólfsson skoruðu mörk Íslands. Allir voru að skora sitt fyrsta mark.
