Ísland vann öruggan 6-0 sigur á Indónesíu í æfingarleik sem var að ljúka.

Leikurinn fór fram við afar erfiðar aðstæður en í síðari hálfleik rigndi eldi og brennisteini.

Ísland leiddi 2-0 þegar hlé var gert á leiknum í síðari hálfleik vegna þess að þrumur heyrðust í nágrenninu.

Andri Rúnar Bjarnason, Kristján Flóki Finnbogason, Óttar Magnús Karlsso, Tryggvi Hrafn Haraldsson, Hjörtur Hermansson og Hólmar Örn Eyjólfsson skoruðu mörk Íslands. Allir voru að skora sitt fyrsta mark.

Plús og mínus er her að neðan.

Plús:

Frammistaða Alberts Guðmundssonar sýndi að þar eru miklir hæfileikar á ferð sem gætu verið X-Factor á HM í Rússlandi. Fer hann með á HM?

Andri Rúnar Bjarnason hengdi ekki haus eftir að hafa klikkað á vítaspyrnu, hann skoraði skömmu síðar sitt fyrsta landsliðsmark.

Sex leikmenn skoruðu sitt fyrsta landsliðsmark í dag, Andri Rúnar, Kristján Flóki, Óttar Magnús og Tryggvi Hrafn, Hjörtur Hermannsson og Hólmar Örn. Skemmtileg stund fyrir þá.

Mínus:

Aðstæður til að spila knattspyrnu voru skelfilegar í síðari hálfleik, endalaus rigning sem gerði leikmönnum erfitt fyrir.

Spilamennska Íslands í fyrri hálfleik var ekki góð gegn afar slöku liði Indónesíu.

Leikur gegn jafn slöku liði og lið Indónesíu var í dag gefur fá svör og lítið sem hægt er að lesa úr leiknum fyrir komandi átök.