Það eru ekki allir sem kannast við leikmanninn Philipp Schobesberger en hann leikur með Rapid Vienna í Austurríki.

Schobesberger og félagar eru nú staddir á Ítalíu en liðið mun leika við Inter Milan á morgun.

Um er að ræða leik í 32-liða úrslitum Evrópudeildarinnar en liðið tapaði fyrri leiknum 1-0 í Austurríki.

Schobesberger mun ekki aðeins reyna að skora í leiknum heldur reynir nú að skora utan vallar.

Schobesberger notar stefnumótaforritið Tinder mikið og breytti aðgangi sínum áður en hann skellti sér til Ítalíu.

Þessi 25 ára gamli leikmaður er að leita sér að ‘fyrirsætu’ eins og hann orðar það en hann verður aðeins á Ítalíu í tvo daga.

,,Ég leita að minni fyrirsætu. Ég er aðeins hér í tvo daga svo þetta þarf að gerast fljótt,“ skrifar leikmaðurinn á Tinder.

Nú er að bíða og sjá hvort þetta skili sér hjá Schobesberger sem þarf fljótt að fljúga aftur heim.