Sir Alex Ferguson, fyrrum stjóri Manchester United, mun snúa aftur á hliðarlínuna í maí.
Ferguson hætti störfum hjá United árið 2013 en hann er sigursælasti þjálfari í sögu félagsins.
Ferguson mun þjálfa lið United í sumar en 20 ár eru liðin síðan United vann þrennuna frægu árið 1999. Liðið fagnaði sigri í ensku úrvalsdeildinni, enska bikarnum og Meistaradeildinni.
Það fer fram leikur til minningar um þetta magnaða tímabil United en liðið vann Bayern Munchen í úrslitum Meistaradeildarinnar á ótrúlegan hátt.
Andstæðingurinn verður að sjálfsögðu Bayern og verður Ferguson á hliðarlínunni í fyrsta sinn í sex ár.
,,Ég hlakka mikið til því þetta verður sérstakur dagur á Old Trafford,“ sagði Ferguson er hann staðfesti fréttirnar.
