Emmanuel Petit, fyrrum leikmaður Arsenal, á ekki í góðu sambandi við dóttur sína, Zoe.

Petit giftist leikkonunni Agathe de la Fontaine árið 2000 og eignuðust þau barn saman. Það hjónaband entist í aðeins tvö ár.

Petit var gestur í frönskum sjónvarpssþætti á dögunum þar sem hann ræddi samband sitt við Zoe.

Þar sagði Petit að hann saknaði dóttur sinnar og að hann hefði ekki séð hana í 18 mánuði. Hann segir að hún vilji ekkert með sig hafa.

Zoe sá þessi ummæli föður síns og var ekki lengi að kalla hann lygara. Hún segir að það sé hann sem vilji ekki hitta sig.

Nú eru bæði Zoe og móðir hennar búnar að leggja fram kæru á hendur Petit og ásaka hann um að sverta mannorð sitt með lygum.

Þær segja að skilnaðurinn hafi algjörlega verið hugmynd Petit og að þær hafi reglulega reynt að halda sambandinu gangandi.

,,Lygari! Pabbi, hvernig geturðu sagt að þú hafir gert mistök og svo móðgaru móður mína og lætur eins og fórnarlamb?“ skrifaði Zoe á Instagram.

,,Í staðinn fyrir að auglýsa nýju bókina þína þá ættirðu að lesa skilaboðin sem þú sendir mér síðast þann 1. ágúst 2017.“

,,Þú sagðir við mig að þú vildir aldrei sjá mig aftur og skrifaðir: ‘Vertu blessuð.’