Skemmtikrafturinn og sjónvarpsstjarnan, Auðunn Blöndal er einn harðasti stuðningsmaður Manchester United á Íslandi. Auðunn hefur í nokkur ár verið duglegur að fara á leiki.

Samsæriskenningar hafa gengið í mörg ár um að það sé óhappa fyrir United að hafa Auðunn á vellinum.

Það var vissulega þannig á árum áður en mikil lukka hefur fylgt Sauðkræklingnum á síðustu árum. Hann var hins vegar á vellinum á þriðjudag þegar United tapaði 0-2 gegn PSG í Meistaradeildinni.

Stuðningsmenn United voru fljótir að fatta það og fóru samsæriskenningarnar af stað á nýjan leik. ,,Ég held að það sé komin ástæða með tapleikinn í gær…. Auðunn Blöndal var á leiknum,“ skrifaði Baldvin í stuðningsmannahóp Manchester á Íslandi.

Auðunn svaraði fyrir sig inni í hópnum eftir líflegar umræður um málið ,, Það sem þessi djókur fer að verða þreyttur!,“ skrifar Auðunn og hélt áfram.

,,Var með 6 sigurleiki í röð fyrir þri og 1 evrópubikar. Vorum bara númeri of litlir fyrir PSG og væri meira vit í að styrkja hópinn heldur að finna sköllóttann lúða frá Íslandi á leiknum!