Edin Dzeko, leikmaður Roma, er ekki búinn að gleyma því sem átti sér stað á Old Trafford árið 2011.

Dzeko var þá partur af liði Manchester City sem vann ótrúlegan 6-1 útisigur á grönnunum í Manchster United.

Það var versta tap United á heimavelli frá árinu 1955 og vann City svo deildina í lok tímabils.

,,Að vinna þá 6-1 á þeirra heimavelli var niðurlæging, sérstaklega í grannaslag þá er það verra,“ sagði Dzeko.

,,Þetta gerðist allt svo hratt – við skoruðum þrjú mörk á fimm mínútum eða eitthvað svoleiðis.“

,,Kannski gaf það okkur orku og kraft til að hugsa að við gætum gert þetta þar til í lokin og svo vorum við liðið sem sigraði það árið.“

,,Að sigra Manchester United með Sir Alex Ferguson, einn besti þjálfari sögunnar, var sérstakt fyrir okkur og stuðningsmennina. Samband okkar var sérstakara eftir þetta því þeir elskuðu liðið meira.“

,,United kom alltaf með þennan fána þar sem þeir töldu árin síðan City vann síðast titil. Eftir þetta þá héldu þeir kjafti!“