Það er útlit fyrir að Guðni Bergsson muni halda áfram sem formaður KSÍ miðað við könnun Stöðvar 2.

Stöð 2 stóð fyrir könnun en þar voru möguleikarnir Guðni og Geir Þorsteinsson sem býður sig fram á ný.

Geir hætti sem formaður fyrir tveimur árum síðan og hefur Guðni sinnt starfinu síðan hann steig til hliðar.

Geir ákvað að bjóða sig fram á ný og segist vera með nýjar hugmyndir sem myndu hjálpa sambandinu.

Í könnum Stöðvar 2 þá fékk Guðni 88 prósent atkvæða gegn aðeins 12 hjá Geir og munurinn því gríðarlegur.

,,Ég trúi ekki þessari spá,“ sagði Geir en niðurstaðan mun koma í ljós á ársþingi KSÍ á laugardaginn.

Guðni er talinn sigurstranglegri en hann hefur þótt sinna starfinu nokkuð vel þessi tvö ár.

33 prósent þeirra sem hafa atkvæði á þinginu svöruðu könnun Stöðvar 2.