Sverrir Ingi Ingason skrifaði í gær undir samning við gríska stórliðið PAOK.

Sverrir kemur þangað frá Rostov í Rússlandi en talið er að PAOK borgi fjórar milljónir evra fyrir íslenska landsliðsmanninn.

Varnarmaðurinn er spenntur fyrir komandi verkefni og segir að það sé léttir að skiptin séu loksins klár.

,,Það er mikill léttir að vera kominn hingað. Þetta var langur janúar og ég er ánægður með að vera kominn hingað,“ sagði Sverrir.

,,Ég tel að þetta sé gott næsta skref fyrir mig á ferlinum, þetta er risastórt félag í Grikklandi sem berst um titla á hverju ári og spilar í Evrópukeppni. Það er eitthvað sem ég vildi afreka á ferlinum og PAOK gaf mér það tækifæri. Þetta var auðveld ákvörðun.“

,,Ég myndi lýsa sjálfum mér sem aggressívum en nútíma varnarmanni sem vill spila leikinn og gefa boltann.“

,,Ég held að það sé mikill munur á deildunum. Þeir vilja sækja meira hér, í Rússlandi var þetta mjög varnarsinnað. Þetta verður ný áskorun sem er spennandi.“

,,Ég hef æft vel í janúar og hlakka til að komast á völlinn og byrja að spila á þessum fallega velli fyrir framan þessa stuðningsmenn.“

,,Allir hjá PAOK, við viljum vinna deildina og ef við vinnum hana ekki verða það vonbrigði. Ég vil hjálpa liðinu að ná sínum markmiðum og það myndi gleðja mig mikið.“