Gareth Southgate, landsliðsþjálfari Englands, er á óskalista Manchester United sem leitar að nýjum knattspyrnustjóra.

Ole Gunnar Solskjær er stjóri United í dag en óvíst er hvort hann verði við stjórnvölin næsta vetur.

Gengi United undir Solskjær hefur þó verið gott hingað til og gæti félagið íhugað að ráða hann endanlega.

Telegraph fullyrðir það hins vegar að Southgate sé nú á lista yfir þá sem gætu tekið við næsta sumar.

Hann hefur náð góðum árangri með enska landsliðið sem komst alla leið í undanúrslit HM í sumar.

Mauricio Pochettino er sagður vera efstur á óskalistanum en United óttast það að hann muni ekki yfirgefa Tottenham.