Alexis Sanchez hefur verið gagnrýndur síðustu mánuði síðan hann samdi við Manchester United.
Sanchez kom til United í janúar í fyrra en hann hafði fyrir það leikið vel með Arsenal.
Sanchez hefur aðeins náð að skora þrjú deildarmörk í 23 leikjum sem er langt fyrir neðan væntingar.
Spilamennska hans heilt yfir hefur einnig verið í umræðunni og þykir hann hafa verið ólíkur sjálfum sér.
Það vekur því mikla athygli að miðað við spilaðar mínútur þá skapar Sanchez flest færi í úrvalsdeildinni.
Sanchez hefur búið til sex dauðafæri á tímabilinu þrátt fyrir að hafa aðeins spilað 505 mínútur sem er ansi góð tölfræði.
Aðrir leikmenn eru með mun hærri tölur en hafa spilað fleiri mínútur en Sílemaðurinn.
