Emmanuel Eboue, fyrrum leikmaður Arsenal, hefur verið handtekinn en hann er grunaður um íkveikju.

Mirror greinir frá þessu í dag en þessi 35 ára gamli fyrrum varnarmaður var keyrður á lögreglustöð í dag og er þar í varðhaldi.

Samkvæmt heimildum Mirror er Eboue grunaður um íkveikju fyrir utan heimili í Enfield í London.

Vinir Eboue óttast um heilsu hans en hann lenti illa í því eftir skilnað og sagðist sjálfur vera heimilislaus.

Eboue spilaði 214 leiki fyrir Arsenal á sjö árum áður en hann gekk í raðir Galatasaray í Tyrklandi.

Einnig er óttast um að Eboue eigi ekki efni á þjónustu lögfræðings eftir að hafa verið úrskurðaður gjaldþrota.