Kristján Jónsson, blaðamaður á Morgunblaðinu skrifar skemmtilegan bakvörð í blað dagsins. Þar veltir hann því fyrir sér af hverju færeyski fótboltinn verði ekki í sjónvarpi, hér á landi á næstu leiktíð.

Þar verða tveir merkilegustu þjáfarar í sögu Íslands, Guðjón Þórðarson og Heimir Guðjónsson.

Heimir varð meistari með HB á síðustu leiktíð en Guðjón sem hefur verið í fríi frá fótbolta í nokkur ár tók við NSI Runavík á dögunum.

,,Vinnufélagi minn, sem við skulum bara kalla Björn, fór að velta því fyrir sér í gær hvort íslensku sjónvarpsstöðvarnar væru ekki farnar að velta fyrir sér að festa kaup á sýningarréttinum frá færeysku knattspyrnunni,“ skrifar Kristján í Morgunblaðið.

„Ég myndi alla vega sitja límdur við skjáinn þegar Heimir og Guðjón mætast,“ sagði Björn og átti þar að sjálfsögðu við þá Heimi Guðjónsson og Guðjón Þórðarson sem báðir þjálfa í Færeyjum. Eru þetta ekki svo galnar vangaveltur hjá Birni. Fjöldi manns hérlendis virðist liggja yfir leikjum með enskum liðum þar sem engar íslenskar tengingar er að finna. Þeir Heimir og Guðjón eru á hinn bóginn með þekktustu mönnum í knattspyrnuhreyfingunni hérlendis og með snertifleti við stuðningsmenn margra liða.“

,,Björn vinnufélagi minn er áhugasamur um Guðjón Þórðarson. Gerði sér ferð til að hlýða á framsögu
hans í hinu umtalaða „Lambalæri“ Þróttara um árið. Þegar færi gafst til að spyrja spurninga gat Björn ekki á sér setið enda áhugasamur um mannskepnuna. Er það líkast til í eina skiptið sem Guðjón hefur verið spurður að því opinberlega hvernig honum leið eftir að Ingólfur Hannesson smellti á hann kossi í beinni útsendingu.“

Kossinn fræga má sjá hér að neðan.