Cristiano Ronaldo, besti knattspyrnumaður í heimi hefur trúlofað sig samkvæmt fréttum í heimalandi hans, Portúgal.
Ronaldo fór á skeljarnar á dögunum og bað Georgina Rodriguez að giftast sér. Hún svaraði bónorði hans játandi.
Saman eiga þau eitt barn sem fæddist á síðasta ári, fyrir hafði Ronaldo eignast þjrú börn með staðgöngumæðrum.
Ronaldo hefur verið á toppnum síðasta áratuginn og virðist hvergi nærri hættur, hann yfirgaf Real Madrid í sumar og gekk í raðir Juventus.
Þau hafa sést með Cartier hringa undanfarið og eru sögð vera byrjuð að undirbúa stóra daginn.
Ronaldo hefur einnig verið í fréttum síðustu vikur fyrir ásakanir um hrottalega nauðgun árið 2009. Málið er aftur komið í rannsókn.
