Raheem Sterling, leikmaður Manchester City, keypti sér hund á dögunum og hefur gefið honum nafnið Okan.

Um er að ræða Rottweiler varðhund sem á að sjá um að verja heimili Sterling og hans fjölskyldu.

Sterling býr í risa húsi í Cheshire en Okan á að sjá um að halda þjófum burt og koma í veg fyrir að verðmætum verði stolið.

Hundurinn kostaði Sterling 15 þúsund pund en fyrirtækið ChaperoneK9 sá um að koma honum í hendur leikmannsins.

Fyrirtækið er þekkt fyrir það að selja knattspyrnumönnum varðhunda og er með þónokkra skjólstæðinga.

Andy Carroll og Mark Noble, leikmenn West Ham hafa stundað viðskipti við fyirtækið sem og varnarmaður Manchester United, Phil Jones.

Hér má sjá mynd af Okan sem Sterling birti á Instagram.