Heimir Hallgrímsson, fyrrum landsliðsþjálfari Íslands í knattspyrnu verður gestur Loga Bergmanns á morgun. Með Loga fer í sýningu í Sjónvarpi Símanns Premium á morgun, fimmtudag.
Heimir lét af störfum sem landsliðsþjálfari Íslands í sumar og leitar að nýju starfi í þjálfun.
Heimir er sterklega orðaður við störf í Bandaríkjunum. Logi Bergmann ræðir við Sigurð Svein Þórðarson, eða Sigga Dúllu um hvaða leyndarmál Heimir hefur að geyma.
Siggi er búningastjóri landsliðsins og hefur hann átt í mjög nánu sambandi við Heimi.
,,Heimir fær allar sínar bestu hugmyndir í baði, það var krafa að það væri bað á herberginu sem hann var í til að fá hugmyndir. Þegar hann var í vandræðum með að að velja liðið, þá fór hann í bað, hann mun aldrei viðurkenna þetta,“ segir Siggi Dúlla í þættinum.
,,Hann fer í þjálfun, hann vill vera í sólinni. Hann hefur gaman af því að tana, ætli það séu ekki Bandaríkin. Þar sem sól, hann fer ekki þar sem vetur.“
Myndbrot um þetta má sjá hér að neðan.
