Hólmar Örn Rúnarsson, leikmaður Levski Sofia, þurfti að fara af velli í dag er liðið mætti Cherno More í búlgarska bikarnum.

Hólmar entist í aðeins sex mínútur í leiknum í dag en Levski er úr leik eftir tap í vítakeppni.

Íslenski landsliðsmaðurinn ræddi við Mbl.is í kjölfarið þar sem hann greinir frá því að meiðslin gætu verið alvarleg.

„Ég fann eitt­hvað snú­ast í hnénu og sárs­auka sem fylgdi,“ sagði Hólmar í samtali við Mbl.

,,Ég hef ekki lent í nein­um hné­meiðslum áður þannig get litið sagt um hvað þetta er en ég fer í mynda­töku á morg­un. Þeir eru hrædd­ir um þetta sé kross­bandið en það kem­ur í ljós á morg­un.“

Hólmar byrjar reglulega leiki í Búlgaríu og var hann þá partur af íslenska landsliðinu gegn Frökkum og Sviss fyrr í mánuðinum.