Albert Guðmundsson, leikmaður AZ Alkmaar, hefur staðið sig mjög vel með félaginu síðan hann skrifaði undir.

Albert kom til AZ frá PSV Eindhoven fyrr í sumar en hjá PSV þá voru tækifærin af skornum skammti.

AZ virðist ætla að gefa Alberti mun fleiri tækifæri og fær hann reglulega að spila og byrja hjá félaginu.

Albert hefur staðið sig afar vel og var í dag valinn í lið mánaðarins fyrir september en Fox stóð fyrir valinu.

Þetta eru stórar fréttir fyrir Albert sem var einnig valinn í íslenska A-landsliðshópinn sem var kynntur í dag.

Albert fær pláss á miðjunni en ásamt honum hægra megin er Hirving Lozano, fyrrum liðsfélagi hans í PSV.

Hér má sjá liðið.