Starfsfólk KSÍ hefur lýst áhyggjum sínum af hversu mikið vinnuálag er hjá sambandinu.

Knattspyrnusamband Íslands er með fáa starfsmenn miðað við umfangs þess sem fer í allt mótahald og umfang landsliða.

Þannig fór Heimsmeistaramótið í knattspyrnu í sumar með mikla orku starfsmanna, sambandið var með fáa starsfmenn sem gengu í öll verk. Hjá stærri knattspyrnusamböndum eru miklu fleiri starfsmenn.

,,Stjórn hefur mótttekið bréf frá starfsfólki sambandsins, dags. 31. ágúst 2018, þar sem lýst er yfir
áhyggjum af vinnuálagi,“ segir í fundargerð knattspyrnusambandsins.

Stjórn KSÍ lítur alvarlegum augum á þetta ástand og mun bregðast við því.

,,Stjórn og framkvæmdastjóri taka málið alvarlega og munu bregðast við, m.a. í samráði við heilsufyrirtækið Auðnast.“