Sigríður Björk Guðjónsdóttir, lögreglustjóri á höfuðborgarsvæðinu hefur fengið sig full sadda af fótboltamótum og íþróttamótum.

Sigríður ræddi við Ísland í dag á Stöð 2. Hún er þriggja barna móðir og þekkir það vel að mæta á íþróttamót með krakkana.

Það eru mörg íþróttamót sem haldin eru hér á landi á hverju ári og er ungt fólk hvatt til að stunda íþróttir á ungum aldri.

Sigríður segir í viðtali við Ísland í dag að það sé rosalega gaman að eiga ungt kríli, þar að segja allt nema fótboltamótin.

,,Við erum sjö hérna í húsinu. Við hjónin, börnin okkar þrjú, tengdasonur og barnabarn,“ sagði Sigríður en hún býr í Vesturbænum.

„Við biðum rosalega lengi eftir yngsta barninu og hefðum viljað fá það svona 12 árum fyrr en það er rosalega gaman að eiga kríli sem er sjö ára, allt nema fótboltamótin.“

,,Ég er alveg komin með nóg af fótboltamótum og íþróttamótum. Það þýðir ekkert að æsa sig yfir því, þetta er fótboltagutti.“