Einn ungur stuðningsmaður Paris Saint-Germain í Frakklandi upplifði augnablik í gær sem hann mun aldrei gleyma.
Þessi ungi strákur hljóp grátandi inn á völl Rennes í gær er liðið spilaði við PSG í efstu deild Frakklands.
Með PSG leikur stórstjarnan Neymar og hjálpaði hann PSG að ná í góðan 3-1 útisigur.
Neymar var tekinn af velli þegar örfáar mínútur voru eftir og þá ákvað krakkinn að hlaupa inn á völlinn til að taka á móti hetjunni sinni.
Neymar tók alls ekki illa í atvikið og passaði það að öryggisverðir myndu ekki taka of hart á krakkanum.
Hann fékk svo leiktreyju Neymar í kjölfarið og upplifði kvöld sem hann mun aldrei gleyma.
A moment every young football supporter around the world lives for. Nothing beats it. pic.twitter.com/qsRzlduwfI
— Asif. (@Asif9707) 23 September 2018
