Luka Modric, leikmaður Real Madrid, hefur verið valinn besti leikmaður ársins af FIFA.

Þetta var staðfest á verðlaunaafhendingu FIFA í kvöld sem fer fram í London.

Modric átti stórkostlegt ár með bæði Real Madrid og Króatíu en hann komst í úrslit HM með króatíska liðinu í sumar.

Ekki nóg með það heldur þá komst Modric í úrslit Meistaradeildarinnar með Real þar sem liðið vann Liverpool 3-1.

Modric er af mörgum talinn besti miðjumaður heims í dag en hann var einnig valinn besti leikmaður ársins af UEFA.

Þeir Mohamed Salah, leikmaður Liverpool og Cristiano Ronaldo, leikmaður Juventus komu einnig til greina.