Heimir Hallgrímsson, fyrrum landsliðsþjálfari Íslands hefur blásið á sögusagnir úr Pepsimörkunum frá því í gær.
Þar var Heimir orðaður við það að taka við ÍBV og KA en í samtali við hinn virta íþróttafréttamann, Magnús Má Einarsson hjá Fótbolta.net.
„Það er ekkert til í þessu,“ sagði Heimir í spjalli við Magnús á Fótbolta.net.
Heimir sagði starfi sínu lausu hjá íslenska landsliðinu eftir HM en hann ætlar sér í starf erlendis.
„Planið er að vera tilbúinn í eitthvað um áramótin eða eitthvað svoleiðis.“
„Mig langar að fara í félagsliðafótbolta aftur. Þá þarf maður smá undirbúningstíma. Það er svolítið mikið öðruvísi en að vera með landslið. Það sem ég geri, ég vil gera það vel.“
Heimir er sterklega orðaður við starf í MLS deildinni í Bandaríkjunum þar sem hann hefur eytt miklum tíma.
