Saido Berahino, leikmaður Stoke City á Englandi, hefur komið sér í fréttirnar fyrir ansi sérstakan hlut.

Berahino er leikmaður Stoke í dag en hann gerði áður góða hluti með West Bromwich Albion og var orðaður við stærri lið.

Vandræði utan vallar hafa þó gert Berahino lífið leitt og virðist hann ekki ætla að taka stóra skrefið á ferlinum.

Hann hefur verið í erfiðleikum hjá Stoke og hefur aðeins gert eitt mark á 913 dögum sem er afar slæmt fyrir framherja.

Í dag er greint frá því að Berahino hafi eignast þrjú börn með þremur konum á aðeins sex vikum nú í sumar.

Enskir miðlar segja að Berahino hafi eignast þrjú börn frá 30. maí til 17. júlí og er nú í viðræðum við lögfræðinga.

Berahino er skráður sem faðir tveggja þeirra en annar maður er inni í myndinni hjá þriðja barninu og segist vera faðirinn. Berahino reynir að leysa úr því máli.

Það er ansi stórt stökk fyrir Berahino að gerast þriggja barna faðir á aðeins nokkrum vikum og hefur hann alls ekki verið feiminn utan vallar.