Burnley svaraði vel fyrir sig í ensku úrvalsdeildinni í dag er liðið mætti Bournemouth á Turf Moor.

Burnley byrjaði tímabilið virkilega illa en bauð upp á sýningu í dag og vann öruggan 4-0 heimasigur.

Jóhann Berg Guðmundsson var á sínum stað í byrjunarliði Burnley og átti frábæran leik.

Jói Berg var valinn maður leiksins hjá Daily Mail en hann lagði upp annað mark liðsins í sigrinum.

Íslenski landsliðsmaðurinn fær átta í einkunn hjá Mail og var besti maður vallarins. Joe Hart var næst bestur með 7,5 í einkunn.

Þetta var fyrsti sigur Burnley í fyrstu sex leikjunum en liðið hafði tapað fjórum og gert eitt jafntefli fyrir leik dagsins.